ampatuan jr.
Image source: noticias.r7.com

Gibasura sa Quezon City Trial Court Branch 221 ang hangyo sa apo ni Ampatuan nga magbutang ug portable air conditioner sa sulod sa iyang kulungan sa Camp Bagong Diwa, Taguig City alang sa medical purposes.

Sumala kang Anwar Ampatuan Jr., apo ni kanhing Maguindanao Governor Andal Ampatuan Sr., nga naglisod siyag ginhawa sa sulod sa iyang selda ug aduna pay skin allergies.

Tungod niini, subling nag-file ug motion for reconsideration ang kampo ni Ampatuan apan subling gibasura sa korte tungod sa kapakyasan nga wala kini makasumite ug ebidensya nga makapamatuod sa iyang gihangyo.

Si Anwar, nalakip sa halos dos-syentos ka indibidwal nga gikasuhan ug 58-counts sa pagpatay kalabot sa Maguindanao massacre nga gikamatay sa 58 katao, lakip na ang 32 ka miyembro sa media kaniadtong ika-23 sa Nobyembre, 2009.

Advertisements