facebook logo
Image Source: maguzz.com

Miduol ang Facebook sa kampo ni incoming President Rodrigo Duterte arun ihanyag ang ilang tabang sa communications team kalabot sa haduol na nga inagurasyon.

Sa gipaguwa nga pamahayag sa kampo ni Duterte, nag-pulong na sila incoming Presidential Communications Sec. Martin Andanar , incoming Presidential spokesperson Ernie Abella, ug ang head sa Facebook Public Policy for Asia Pacific nga si Elizabeth Hernandez.

Nahisgutan sa maong panagtigom kung paunsa himuan ug livestream ang inagurasyon ni Duterte sa Hunyo 30. Lakip na sab ang pipila pa ka plano kalabot sa kahimtang sa komunikasyon atol sa iyang termino.

Sumala pa, mismong ang opisyal sa Facebook ang miduol sa communications team ni Duterte arun ihanyag ang suporta nila sa maong okasyon.

Nasayran nga usa si Duterte sa pinaka-gihisgutang kandidato dili lamang sa Facebook, kungdi lakip na sa uban pang social media sites sama sa Twitter.

Advertisements