zimmerman
Elizabeth Zimmerman, ex-wife ni President-elect Rodrigo Duterte, mitambong atol sa paglunsad sa photo exhibit sa veteran photographer nga si Rene Lumawag, sa tema nga “Duterte through the Years.”|inquirer.net

‘Feeling Awkward’ ang ex-Wife ni President-elect Rodirigo Duterte nga si Elizabeth Zimmerman sa ideya  nga pag-attend sa inagurasyon  ni Digong sa Hunyo 30. Gisaysay kini ni Zimmerman atol sa paglunsad sa Photo Exhibit ni Duterte sa Davao.

Una nang gisaysay ni Duterte nga anaa ang presensya ni Zimmerman, lakip na ang iyang common law wife nga si Honeylet Avanceña ug mga miyembro sa ilang pamilya.

Gilauman na daw ni Zimmerman ang mga ‘awkward’ nga sitwasyon. Apan sumala pa, kinahanglang anaa siya sa okasyon tungod posibleng dili mutambong ang ilang mga anak nga sila Inday Sara ug Paolo.

Gibutyag sab niini nga nagtuo siyang mas ‘awkward’ ang sitwasyon nila ni Avanceña. Tungod niini, gikonsidera niya nga  muhangyo sa Presidential Management Staff nga hatagan na lamang siya ug lahi nga lingkuranan, kauban ang iyang mga anak ug apo.

Sa dihang gipangutana sab kini kung gusto ba niining mamahimong First Lady, gisaysay ni Zimmerman nga nagtuo siyang dili na kinahanglan ni Duterte ug usa ka First lady.

Sa Hunyo 28, mubyahe si Zimmerman ug ang ilang Pamilya sa Maynila alang sa inagurasyon. Magsuot kini ug Pink nga gown nga gibuhat ni Davao-based fashion designer Silverio Anglacer. Ang color Pink, simbolo sa Cancer. Kahibaluan nga adunay Stage 3 breast cancer si Zimmerman.

Advertisements