3 child policy
Image Source: cnnphilippines.com

Gibarugan ni President-elect Rodrigo Duterte ang iyang posisyon kalabot sa three-child policy sa nasud nga matud pa, makatabang sa economic growth sa Pilipinas.  Ibalik niya ang family planning program sa nasud. Gikanayon niya kini atol sa uwahing flag ceremony niya isip Mayor sa Davao kagahapong adlawa (June 27).

Subay niini, kinahanglan sumala pa nga mamahimong proactive ang mga social workers. Gidason ni Duterte nga kung mahapsay ang sitwasyon sa nasud, mahapsay sab ang kalidad sa kinabuhi sa komunidad.

Gi-angkon sab ni Duterte nga dawat na niya nga dili sila magkahiusa sa Simbahan sa maong hisgutanan tungod managlahi sila ug panlantaw kalabot sa isyu sa family planning.

Kalabanon ang Simbahan

Andam si incoming President Rodrigo Dutere nga makalaban ang Simbahang Katoliko arun lang maduso ang birth control sa nasud. Sumala kang Duterte, mas musamot ang kapobrehon sa matag pamilya kung adunay daghang anak. Tungod niini, subling hangyo niini sa mga Pilipino nga limitahan na lamang ang gidaghanon sa mga anak, sa ihap nga tulo kabuok.

Komedya pa ni Duterte, putlan ug kinatawo ang mga lalaki nga pasaway. Gikabutyag pa ni Duterte nga sa dakbayan sa Davao – naghanyag ug cash rewards ang mga gustong mupsailawom sa libreng vasectomy.

Matud pa, ire-install niya ang family planning program ug andam siyang kalabanon ang Simbahan. Matud pa ni Duterte, wala gilantaw sa Simbahan ang kasamtangang realidad. (MN)

 

Advertisements