traffic

Dili gusto ni President-elect Rodrigo Duterte nga muresulta sa traffic ang iyang inagurasyon sa Huwebes (June 30). Kini ang gisaysay ni ambassador Marciano Paynor kinsa head of the Palace Inaugural Committee. Atol kini sa gihimong preparasyon alang sa simple nga pagpanumpa ni Duterte.

Sumala kang Paynor, mga diplomat lamang ang tugutan nga magdala ug mga sakyanan arun walay traffic jam sa palibot sa Palasyo. Samtang ang mga guest, kinahanglang mag-park sa ilang sakyanan sa Philippine International Convention center ug didto na sunduon sila ug bus padulong sa Malakanyang.

Gikanayon ni Paynor nga usa sa mga hinungdan kung nganung gipili ni Duterte nga manumpa sa Rizal Hall sa Malakanyang, mao ang paglikay nga maka-istorbo siya sa dagan sa trapiko.

Bible Holder si Kitty Duterte

Gikumpirma sa Inauguration Organizing team nga ang kinamanghurang anak ni Duterte nga si Veronica “Kitty” Duterte ang bible holder sa inagurasyon. Gamiton ang old bible nga gipanag-iyahan sa mipanaw na nga inahan ni Duterte nga si Nanay Soleng.

Ang 11-anyos nga si Kitty ang kinamanghurang anak ni Duterte ug sa common law wife niini nga si Honeylet Avanceña.

Samtang, nasayran nga wala sab mikontra niini ug ‘no hard feelings’ ang mga anak ni Duterte kang Elizabeth Zimmerman nga sila Davao City Mayor Inday Sara,Vice Mayor Paolo, ug Sebastian.

Munggos, Maruya, ug Pandesal

Sama sa gisaad sa musunod nga administrasyon, simple lamang ang mga ihukad nga pagkaon sa inagurasyon . Sa pinaka-uwahing tala, mukabat sa 627 katao ang mamahimong bisita sa inagurasyon ni Presdient-elect Duterte.

Sumala sa miyembro sa inaugural committee nga si Lisette Marques, lima ka putahe lamang ang ihukad sa inagurasyon. Lakip dinhi ang ginisa nga munggos, lumpia, kesong puti, beef longganisa, ug pandesal.

Isip dessert adunay Tartlet nga gama sa Durian, ug Maruya o pritong saging.

Ang drinks, Pineapple-mango juice ug Dalandan juice.

Gisiguro sa caterer nga mga ‘pagkaong Pinoy’ ang kaunon sa mga bisita. (MN)

Advertisements