Medical Marijuana - Words and Leaf Icon
Image Source: arizonamarijuanalawyers.com

Giduso sa advocates sa Medical Cannabis o Marijuana ang access niini arun makatabang sa mga pasyente nga adunay incurable disease sama sa Epilepsy. Sumala pa sa mga miyembro sa Philippine Cannabis Compassion Society, katungod sa mga pasyente ug ilang pamilya nga mupili ug treatment sama sa Medical Cannabis.

Matud kang Dr. Donnabel Cunanan, kinsa adunay 4-anyos nga anak nga adunay partial seizure disorder, basic right kini sa usa ka pasyente. Ang partial seizure disorder, usa ka klase sa epilepsy ug cerebral palsy.

Una nang misuporta si President-elect Rodrigo Duterte sa paghimong legal sa medical marijuana. Gitawag pa niya kini ug usa ka ‘modern medicine’. Apan kung gamiton kini sa walay igong rason, posibleng dili maayo ang resulta niini.

Sumala sa datus gikan sa Philippine National Police Anti-illegal Drugs Special Task Force… lakip sa side effects sa Marijuana ang Palpitations, pagpamula sa mata, uga nga baba ug tutunlan ug pagka-kalimtanon.

Gikabutyag sab sa grupo nga adunay scientific studies gikan sa ubang nasud, partikular sa United States ang nagpamatuod nga naka-alibyo ang Medical Cannabis sa mga pasyenteng epileptic.

Saysay sab niini sa mga kontra sa medical marijuana nga aduna silay katungod nga dili mugamit, apan gibarugan nila nga kinahanglan kini sa mga adunay sakit nga gihikawan ug katungod sa paggamit niini. (MN)

Advertisements