rehab center
Image Source: bestmedicationrehabcenters.com

Gikanayon ni Incoming Health Secretary Paulyn Jean Rosell-Ubial nga kulang ang ihap sa mga drug rehabilitation center arun mahatagan ug pagtagad ang mga misurrender nga drug suspect ngadto sa otoridad.

Base sa datus gikan sa Department of Health, adunay 70,000 ka mga hardcore drug users sa kapin 3-million drug dependents sa nasud. Samtang, ang bed capacity sa mga kasamtangang pasilidad sa mga center mukabat lamang sa 50,000.

Gikabutyag ni Ubial nga aduna nay mandato kanila nga himuong prayoridad ang konstruksyon sa rehabilitation facilities. Tun-an sab nila kung magdugang pa ba ug pondo alang sa pagpadayon sa proyekto sa tuig 2017.

Nagsugod si Ubial sa pagpanerbisyo kaniadtong 1988 isip rural health volunteer sa Kidapawan, North Cotabato. Nahimo siyang medical specialist sa DOH sa Cotabato City.Nagsilbi sab siya isip DOH Regional Director sa Davao City, kung asa nahimong long-time mayor si President-elect Rodrigo Duterte.

Si Ubial ang kasamtangang assistant secretary sa DOH Office of Health Regulations. (MN)

Advertisements