gina lopez and duterteDENR Secretary Gina Lopez and President Rodrigo Duterte | Image from GMA Network

Human ang inagurasyon sa Duterte administration, milihok dayon si Environment Secretary Gina Lopez. Ang iyang pinaka-unang order mao ang pag-audit sa mga kasamtang mining companies sa nasud. Ang maong direktiba, naggikan mismo kang President Rodrigo Duterte atol sa ilang Cabinet Meeting kaniadtong Huwebes.

Sumala kang Environment Undersecretary Marc Fragada, pinaagi sa usa ka department order, magsugod ug Audit sa mining areas sa Pilipinas ang regional ug central audit teams sa DENR. Sumala kang Secretary Lopez, kung responsable ang mga kompanya, kinahangalng magsubay sila sa pinakataas nga standard.

Gisaysay sab niini nga maayo ug mabulukon ang nahimong meeting sa  gabinete. Kini bisan paman adunay conflict of interest tali kang Lopez ug kang DPWH Secretary Mark Villar kinsa adunay investment sa Mining . Wala nasab gi-tubag niini kung adunay mahitabong Debate sa cabinet members  kalabot sa maong hisgutanan. Nasayran nga gikondena ni Lopez ang Open-Pit mining.

Ang Pilipinas, maoy ika-lima nga nasud nga adunahan ug mineral sama sa Gold, Nickel, Copper ug Chromite. Gibana-bana sa MINES AND GEOSCIENCES BUREAU nga aduna pay $840-billion nga wala pa nahilabtan.

Gitugutan ang tanang rehiyon sa nasud sa pagpahigayon ug mining operations, gawas lamang sa NCR ug ARMM. Sa ARMM, gibawal ang paghatag ug permit tungod sa nagpadayon nga peace process tali sa Moro Islamic Liberation Front ug sa national government. (MN)

Advertisements