duterte and milf
Image Source: Philstar.com

Gikatakda nga makighinabi si President Rodrigo Duterte sa mga lider sa Moro Islamic Liberation Front kun MILF arun mapadayon ang hisgutanang kalinaw tali sa rebeldeng grupo ug sa gobyerno.

Gawas sa MILF, plano sab ni Duterte nga bisitahon ang Jolo, Sulu ug didto iya sab nga hinabion si Moro National Liberation Front kun MNLF leader Nur Misuari.

Sa speech niini sa Cam Aguinaldo kagahapong adlawa, gisaysay pa ni Duterte nga andam siyang hatagan ang mga leader ug safe conduct passes.

Positibo ang panlantaw ni Duterte sa maong plano. Ug alang kaniya, kung maka-tsamba siya nga makab-ot ang kalinaw sa Mindanao, malipayon na siyang magretiro.

Kahibaluan nga wala makalusot sa Kongreso ang Bangsamoro Basic Law nga namugna sa peace talks sa administrasyon Aquino tali sa MILF kaniadto pang 2014.

Matud pa ni Duterte, kinahanglang mahuman na ang gubot, ug responsibilidad niya nga ipa-usbaw ang kalinaw sa nasud dungan sa pagpatuman sa kahapsay. (MN)

Advertisements