duterte second family
Image Source: newsinfo.inquirer.net

Nakabalik na sa balay niini sa Davao City si President Rodrigo Duterte.

Kauban niya ang anak nga si Veronica ug ang common law wife nga si Honeylet Avanceña. Gisugat ug military honors si Duterte gikan sa Philippine Air Force pag-abot sa iyang private plane .

Miuli si Duterte human niya gipangunahan ang change of command ceremonies nila PNP Chief Director General Ronald “Bato” dela Rosa ug AFP Chief of Staff Lt. Gen. Ricardo Visaya.

Una niini, gikabutyag sa Presidential son nga si Paolo Duterte nga tulo ka adlaw magtrabaho si Duterte sa Maynila ug tulo sab ka adlaw sa Davao.

Kahinumduman sa milabay nga kampanya, gisaysay ni Duterte nga dili siya  magpabilin sa Malakanyang Palace. Ug mas gusto niyang mupauli sa Davao adlaw-adlaw.

Sa Davao – magtrabaho si Pres. Duterte sa Malakanyang of the South sa Panacan.

Nasayran nga kaniadtong Huwebes, human sa inagurasyon niini, wala siya natulog sa Malakanyang atol sa unang gabie niya isip Presidente.

Dugang saysay sab sa executive assistant niini nga si Bong Go nga kinahanglan mulingkod si Duterte sa Malakanyang. Gikumpirma sab niini nga gibahin ni Duterte ang iyang usa ka semanang pag-trabaho: tulo ka adlaw sa Davao, ug tulo ka adlaw sa Maynila. (MN)

Advertisements