president duterte
Image Source: Manila Bulletin

Andam si President Rodrigo Duterte nga mamatay ug magsakripisyo alang sa mga pulis nga matinud-anon sa ilang responsibilidad.

Sa mensahe niini atubangan sa mga pulis sa assumption of office ni PNP Director General Ronald dela Rosa, gisaysay niini nga andam niya isakripisyo ang iyang kaugalingon alang sa mga pulis nga matinud-anong nagserbisyo.

Matud pa, kung makapatay man ang mga pulis ug 1,000 kriminal samtang naka-duty ug gihimo lamang ang ilang trabaho, andam si Duterte nga protektahan ang mga pulis ilabi na kung mapasakahan sila ug kaso.

Gisaad sab ni Duterte nga doblehon niya ang sweldo sa mga pulis arun mawagtang na ang kurapsyon sa PNP, ug maghatag sab ug saktong pondo alang sa dugang kagamitan ug armas .

Reorganisyon sa PNP

Hulaton na lamang daw nga si PresidentDuterte ang mubutyag sa mga pangalan sa tulo ka heneral nga nalambigit sa iligal nga Droga.

Sa pinaka-unang command conference sa mga opisyal sa PNP, gikanayon ni Chief PNP Ronald Bato dela Rosa nga si Duterte na lamang ang muyagyag sa pangalan sa mga opisyal.

Apan naghatag ug clue si dela Rosa sa pag-ingon nga dili niya gustong mahugno ang morale sa mga upper classmen, hinungdan nga mas maayong si Duterte na lamang ang mubutyag.

Kalabot niini, unang mando ni dela Rosa ang re-organisasyon sa PNP base sa merito, seniority, ug competence. (MN)

 

Advertisements