5 police general
Image source: zeibiz.com

Naasayod si President Rodrigo Duterte nga mamahimong maduguon ang pakigbisog niini kontra sa pagpamaligya ug iligal nga droga.

Gipaniguro ni President Duterte nga suportado niya ang Armed Forces of the Philippines lakip na ang Philippine National Police sa ilang krusada kontra sa illegal drugs ug sa mga aksyon nga kinahanglan nilang himuon.

Tambag pa ni Duterte sa mga law enforcers nga dili mahadlok himuon ang ilang responsibilidad. Apan pahinumdom sab niini nga dapat mulihok nga nagsubay sa balaod.

Pagpaklaroni Duterte : ang mando niya sa mga pulis nga mupusil ug kriminal, pwede lamang gamiton kung delikado na ang ilang kahimtang ug kinabuhi, ilabi na kung mupalag ang mga suspek nga ilang pangdakpon.

Kung mupalag ang suspek, didto lamang musulod ang iyang mando nga “shoot to kill”.

‘Police Drug Protectors’ muagi sa due process – PNP chief

Gipaniguro ni PNP chief Ronald Bato dela Rosa nga hatagan ug due process ang lima ka heneral nga gibutyag ni President Rodrigo Duterte nga mga Drug Lord protector. Sumala kang dela Rosa, sama sa direktiba sa Presidente paminawon niini ang eksplinasyon sa mga akusado nga sila  General Bernardo Diaz, General Edgardo Tinio, ug Police Director Joel Pagdilao.

Samtang sumala pa, dili na mapugos ni Dela Rosa nga mu-atubang sila General Marcelo Garbo ug Gen. Vicente Loot nga wala na karon sa serbisyo.

‘Drug Deals sa internet’, bantayan 

Gimanduan ni PNP Chief Bato dela Rosa ang PNP Anti-Cybercrme Group nga tutukan ang mga transaksyon sa iligal nga droga nga ginahimo online, o sa internet. Sumala kang ACG spokesman P/Supt. Jay Guillermo, dako ang posibilidad nga daghang krimen ang nagakahitabo sa Cyberspace.

Saysay ni Guillermo, pwedeng matago ang identity sa usa ka suspek online tungod dili direkta kun walay pisikal nga transaksyon ang mahitabo.

Una niini, nagpahigayon nasab ug surpise drug testing sa mga personahe sa PNP Anti-Cybercrime Group.

Sa pikas bahin, gikabutyag sab ni PNP Chief dela Rosa nga wala na siyay mahimo alang sa iyang mga upper classmen nga gipanganlan ni Duterte. Sakit man daw sa iyang buot apan kinahanglan niyang himuon ang iyang trabaho.

Padayon ang pagpatuman ug zero tolerance sa droga bisan kinsa paman ang nalambigit.

 

Advertisements