duterte 2

Mipauli sa Davao City si President Rodrgio duterte bag-o paman mahuman ang work-week. Mibyahe kini kgabie human sa iyang press conference kalabot sa mga protektor ug lider sa drug trafficking operations sa nasud.

Sa pag-uli niini, gisugat kini ug report nga adunay bahad gikan sa teroristang Islamic Group nga atakehon ang Davao. Apan, wala na nabalaka pa ang Presidente sa maong bahad.

Dugang saysay niya, i-ampo na lamang niya ang sitwasyon ug kung mamatay man siya, anaa gihapon si Vice President Leni Robredo nga musalo sa iyang posisyon.

Una niini, gipasailawom sa heightened alert ang kinatibuk-ang Davao City tungod sa bahad nga terror attack. Mismong si Davao City acting Mayor Paolo Duterte ang mikumpirma niini ngadto sa mga opisyal sa Armed Forces of the Philippines.

Nagdugang na karon ug mga security personnel sa mga pantalan ug airport alang sa hugot nga seguridad sa lugar.

Samtang gidason ni AFP Chief-of-Staff Gen. Ricardo Visaya nga wala pa silay nadawat nga report kalabot sa naasoyng bahad apan gimanduan na niya ang intelligence network sa militar arun i-validate ang maong report. (MN)

 

Advertisements