gikan sa masa para sa masa

Mamahimo nang nationwide ang kanhing TV program ni President Rodrigo Duterte nga kanhi nang ginahimo niini kaniadtong Mayor pa kini sa dakbayan sa Davao.

Gikumpirma kini ni Communicationas Secretary Martin Andanar. Matud pa, ipadayon ang kanhing programa niini sa Davao nga “Gikan sa Masa, Para sa Masa”.

Sa oras nga himuon na kining nationwide sa musunod nga bulan, tawgon na kining “Mula sa Masa, Para sa Masa”. Gawas sa TV, ipadungog sab kini sa radyo. Aduna pay online version, print ug social media.

Kahinumduman nga nag-desisyon si Duterte nga mulikay na lamang magpa-interview sa media, inay magpagawas na lamang kini ug opisyal nga pamahayag pinaagi sa government TV Network nga PTV 4.

Executive Order alang sa FOI, ipatuman na sa musunod nga semana

Gipaniguro ni President Rodrigo Duterte nga mapatuman na sa musunod nga semana ang iyang executive order sa Freedom of Information kun FOI.

Sa anunsyo niini sa usa ka televised press briefing sa PTV-4, gisaysay ni Duterte nga gipa-paspasan na niya ang proseso alang niini. Gani, aduna nay kopya sa draft.

Sumala pa, mapatuman na kini sa musunod nga semana apan tun-an pa nila kini.

Apan sumala kang Duterte, ang sakop lamang sa EO mao ang mga ahensya ubos sa executive department. Matud pa, dili niya pwedeng hilabtan ang duha pa ka sangay sa gobyerno nga mao ang JUDICIARY ug CONGRESS.

Gikatakda nga pirmahan ni Duterte ang maong EO sa Byernes. (MN)

Advertisements