abu sayyaf
Image source: klikkabar.com

Wala gikonsidera ni President Rodrigo Duterte ang mga bandidong grupo isip mga kriminal.

Sa speech niini atol sa selebrasyon sa HARIRAYA EID AL-FITR sa Davao City, gipaklaro niya nga sa isyu sa kriminalidad, dili niya i-apil ang mga Abu Sayyaf. Maski kanus-a wala niya gidason nga mga kriminal ang Abu Sayyaf.

Sumala kang Duterte, gihimo lamang sa Abu Sayyaf ang mga pagpamomba, pagpangilkil, ug pag-atake tungod sa pagka-desperado tungod sa mga saad kaniadto nga gikalamitan lamang sa mga milabay nga administrasyon.

Una nang gipamahayag ni Presidential Peace Adviser Jesus Dureza nga abri ang administrasyong Duterte sa pakig-negosasyon sa mga Abu Sayyaf.

Kahinumduman nga giputlan ug ulo sa Abu Sayyaf ang mga hostage nga Canadian nga si John Ridsdel ug Robert Hall sa Sulo sa dihang napakyas nga makakuha ug milyon-milyong dolyar nga kantidad sa ransom. (MN)

Advertisements