president duterte
Image Source: Manila Bulletin

Gipahimuslan ni President Rodrigo Duterte ang selebrasyon sa Hariraya Eid’l Fitr sa mga Muslim arun iduso ang palantaw niini nga dapat adunay muluntad nga kalinaw sa nasud.

Matud pa sa Presidente, padayon ang pagpaningkamot sa iyang administrasyon arun mapirmahan na ang agreement tali sa mga rebelde partikular na sa mga Moro. Sumala pa, manag-igsoon ang tanan – Muslim man o Kristyiano , basta Pilipino.

Matud pa niini, nangaghap siya nga dili mahisama ang Pilipinas sa Syria , Iraq, ug uban pang bahin sa Middle East nga nagkagubot tungod sa radikalismo.

Mihangyo si Duterte atubangan sa mga Muslim Leaders nga hatagan siya ug tsansa arun mahimo ang ‘arrangement’ nga ma-uyunan sa mga rebeldeng grupo.

Amerika, gibasol ni Duterte sa gubot sa Middle East

Bisan paman sa diktaturya ni Saddam Hussein sa Iraq kung asa kontrolado niini ang nasud, kalit nga mi-atake ang Estados unidos, hinungdan sa giyera. Kini maoy pagtuo ni President Duterte.

Sumala pa, ang Amerika ang nagduso sa Middle East nga sudlon ang gyera sa dihang gi-atake nila ang Iraq kaniadtong 2003 arun ipatumba si Saddam.

Ang maong pagtuo, taliwala sa pagtuo sa kadaghanan nga ang mga nasud sa Middle East ang nagpakatag ug terorismo sa kalibutan. Tungod sa gisugdan nga gyera sa US ngadto sa Iraq, nagkagubot nasab ang Libya ug Syria nga maoy hinungdan sa pagkahurot sa mga tao lakip na ang mga inosenteng bata.

Dugang pa ni Duterte, human sa taas nga imbestigasyon nga miabot pa ug pulo(10) ka tuig, miguwa nga walay legal nga basehan ang gyera sa Iraq. Ug niya pa… usa lamang kadto ka gyera nga walay hinungdan!

Duterte, miapela ug igong panahon sa mga Filipino Muslim

Miapela si Duterte sa mga Filipino Muslim nga hatagan siya ug igong panahon arun mabalik ang kalinaw sa Mindanao Region.

Sumala pa, dili makuha sa usa lamang ka gabie ang perpekto nga peace agreement. Matud pa, maabtan pa ug duha ngadto sa tulo ka tuig bag-o maselyuhan ang agreement. Apan gipaniguro niini nga adunay makita nga kabag-uhan.

Nangayo sab si Duterte ug tsansa nga makamugna siya ug perpekto nga agreement.

Sa pagkakaron, uyon siya sa mga probisyon sa Bangsamoro Basic Law. (MN)

Advertisements