chr
Image Source: Wikipedia

Nagmugna ang Commission on Human Rights ug usa ka task force arun imbestigahan ang Extrajudicial killings sa gidudahang mga kriminal. Tawgon ang probe body nga TASK FORCE EJK (Extra Judicial Killings).

Gisaysay ni CHR Commissioner Gwen Gana nga gibana-bana nilang miabot na sa 89 ang ihap sa extrajudicial killings sa nasud, lakip na dinhi ang mga napatay nga holduppers ug mga kawatan.

Saysay ni Gana ngadto sa Philippine National Police nga kinahanglang hatagan sab ug atensyon ang gikaingon nga mga vigilanteng grupo nga nagpaluyo sa extrajudicial killings.

Dugang pa niini, dakong supak sa balaod ang Summary executions. Resposibilidad matud pa sa PNP nga siguraduhon nga nagsubay sila sa balaod.

Kahinumduman nga una nang gikanayon ni PNP chief Ronald ‘Bato’ dela Rosa nga dili angay mahadlok ang kapulisan nga nagapahigayon ug operasyon kontra sa iligal nga droga.

Gani, gisaysay sab kaniadto ni President Rodrigo Duterte nga panalipdan niya ang mga pulis, basta nagtinarong lamang sila sa ilang responsibilidad. (MN)

Advertisements