rj jacinto and duterte

Gi-anunsyo sa Malakanyang nga gi-appoint isip Presidential adviser on economic affairs and information technology communications ang musikero ug negosyanteng si Ramon ‘RJ’ Jacinto.

Nailhan si Jacinto isip ‘rock n roll’ musician nga mitabang nga makapangalap ug suporta alang kang President Rodrigo Duterte kaniadtong panahon sa kampanya pinaagi sa pag-compose ug campaign jingle.

Gawas niini, negosyante sab si Jacinto, kinsa tag-iya sa usa ka radio ug TV station. Aduna sab siyay kompanya sa real estate development, retail ug manufacturing.

Si Jacinto ang pinakabag-ong nahatagan ug posisyon sa Duterte administration nga naggikan sa entertainment industry.

Una nang gihinganlan isip assistant vice presidents sa PAGCOR sila Arnell Ignacio ug Jimmy Bondoc. Samtang ang kanhing TV host ug reporter nga si Kat de Castro, usa na ka Tourism undersecretary.

Hunghungihong sab karon ang sumala pa pagdawat ni Freddie Aguilar sa posisyon sa National Commission for Culture and the Arts. (MN)

Advertisements