duterte and pia
(c) Photo by Alecs Ongcal/Rappler, Malacañang PPD

Malipayon nga gibalita ni Tourism Secretary Wanda Corazon Teo nga aprubado na ni President Rodrigo Duterte ang proposal nila ni 2015 Miss Universe Pia Wurtzbach nga sa Pilipinas na himuon ang 2016 Miss Universe Pageant.

Sumala kang Teo, mas mulambo ang turismo sa nasud kung mamahimong host country ang Pilipinas sa prestihiyosong pageant.

Kung kumpirmado na, gilayon silang mangalap ug Sponsor alang sa budget nga nagkantidad ug $12-million o  P560-million.

Kung mamahimong pinal nga dinhi sa nasud pagahimuon ang 2016 Miss Universe Coronation night, ipahigayon kini sa MOA Arena o sa Philippine Arena. Mamahimong kabahin sab sa pre-pageant activities ang Palawan, Boracay, ug Cebu.

Nasayran nga duha ka beses pa lamang gipahigayon sa Pilipinas ang maong beauty pageant – kaniadtong 1974 ug 1994.

Karung tuiga, ang 25-year old interior designer nga si Maxine Medina ang pambato sa Pilipinas.

Sumala sa Department of Tourism, unang magtigom si Secretary Teo ug Miss Universe Pia Wurtzbach, bag-o paman ang courtesy call ni Wurtzbach kang Duterte sa Lunes (July 18) sa musunod nga semana. (MN)

Advertisements