president duterte
Image Source: Manila Bulletin

Direk Brillante Mendoza ug Sec. Martin Andanar, nagtigom na alang sa preparasyon sa SONA ni Pres. Duterte

Karon pa lamang, nangandam na ang palasyo sa Malakanyang alang sa pinaka-unang State of the Nation Address (SONA) ni President Rodrigo Duterte sa July 25.

Sa pagpamatuod niini, nagtigom kaniadtong Miyerkules ang highly acclaimed director nga si Brillante Mendoza ug si Presidential Communications Office Secretary Martin Andanar. Saysay ni Andanar, kinahanglan sa SONA nga makonekta diretsa sa publiko ang mensahe ni President Duterte.

Kahibaluan nga si Mendoza, ang nag-inusarang Pilipino nga midaog isip Best Director sa Canne Film Festival alang sa iyang pelikula nga “Kinatay” kaniadtong 2009 ug ang pinaka-uwahi mao ang pelikula nga Ma rosa nga nakahatag ug Best Actress Award sa aktres nga si Jaclyn Jose.

Mga ‘pasabog’ ni Duterte

Posibleng aduna pay mga dagkong pangalan nga ikabutyag si President Rodrigo Duterte sa iyangSONA.

Gisaysay ni Presidential Communications Sec. Andanar nga kabahin kini sa transparency sa Duterte admin kontra sa iligal nga droga. Mibalibad sa paghatag ug detalye si Andanar kung kinsa ang mga pangalan nga mapaka-uwawan.

Tungod unang SONA kini ni President Duterte… gisaysay ni Andanar nga gi-review nila ang mga milabay nga SONA sa mga presidente, lakip nasab ang mga lider sa ubang nasud tungod mas gusto sa administrasyon nga “the best” ang SONA ni President Duterte. (MN)

Advertisements