mendoza SONA prep
Image Source: Manila Bulletin

Walay plano ang premyadong direktor nga si Brillante Mendoza nga itago ang “bad/dirty mouth” ni President Rodrigo Duterte sa State of the Nation Address(SONA) niini sa Hulyo 25. Sumala kang Mendoza, dili niya pugngan si Duterte sa iyang pagpaka matinud-anon sa kaugalingon ilabi na ang prangka niining pag-sturya.

Isip direktor sa unang SONA ni Duterte, matud pa dili pure English  ang speech niini, kungdi sagulan sab ug Tagalog ug Bisaya arun maka-relate ang tanang Pilipino.

Nasayran nga si Communications Secretary Martin Andanar ang mihanyag kang Mendoza nga mamahimong dikretor sa SONA tungod daghan na kini ug napamatud-an sa industriya lakip na ang mga kalampusan sa international scene.

Sa bahin sa 55-anyos nga direktor, gikakurat daw niini ang pagpili kaniya apan gidawat niya kini tungod nagtuo sab siya sa mga adbokasiya sa Presidente.

Gibana-bana nga 3,000 indigenous people gikan sa Mindanao ang mubyahe padulong Maynila arun masaksihan ang SONA ni President Duterte. (MN)

Advertisements