duterte and lim
Photo by Facts Against Ignorance

Hunghungihong karon nga dugay nang magkaila sila President Rodrigo Duterte ug ang Cebuanong negosyante nga gidudahang Drug Lord nga si Peter Lim.

Magkumpare matud pa ang duha, tungod pareho silang NINONG sa usa ka kasal nga nahitabo sa Lapu-Lapu City, Cebu kaniadtong Hunyo 25. Gikumpirma sab kini sa tigpamaba ni Lim nga si Dioscoro Fuentes Jr.

Gawas kang Duterte ug Lim, usa sab sa principal sponsors sa kasal mao sila Sen. Cynthia Villar ug asawa niining  si kanhing Sen. Manny Villar.

Sa pagkakaron, mikatag nasab sa Facebook ang usa ka litrato kung asa anaa si Duterte ug Lim, butang nga mi-ani nasab ug batikos gikan sa mga netizens. Naka-post kini sa Facebook Page nga “Facts Against Ignorance”. Kuha ang litrato sa kasal nga gitambungan nila kaniadtong Hunyo 25.

Kahibaluan nga usa si Lim sa gihinganlan ni Presdient Duterte nga mga Top Drug Lords sa nasud, apan gilimod kini sa negosyante  atubangan mismo sa Pangulo ug misugot nga magpa-imbestiga arun mahinluan ang iyang pangalan. (MN)

Advertisements