direk mendoza
Image Source: Philstar

Adunay mga natingala kung nganung adunay direktor sa gi-atangan nga State of the Nation Address (SONA) ni President Rodrigo Duterte. Ang filmmaker nga si Brillante Mendoza ang natahasan niini.

Sumala kang Mendoza sa press conference sa Batasang Pambansa kaniadtong Lunes (July 18), kini arun mas hapsay ang mga makuha nga shots ug arun masiguro nga ma-capture sa Camera kung unsang klase nga Presidente si Duterte.

Bisan paman eksperto na kini, dili sayon ang mamahimo niyang trabaho sa SONA. Base sa Facebook post sa state-run PTV-4 Network, adunay katorse (14) ka camera, robotic camera ug drones nga gamiton alang sa coverage sa event, nga ipang-direk ni Mendoza.

Gikanayon ni PCO Assistant Secretary Ramon Cualoping nga “world-class production” ang masaksihan sa publiko.

Samtang, magpadayon sab ang pagpanerbisyo ni Mendoza sa Duterte Administration tungod nakalinyada na ang mga information campaigns nga iyang himuon.

Malipayon sab ang director tungod nahisubay sa adbokasiya sa Presidente ang iyang mga panlantaw kalabot sa Social issues. Kahibaluan nga ang pinaka-uwhaing film nga Ma’Rosa, naka-sentro sa droga ug kurapsyon. (MN)

 

Advertisements