president rodrigo duterte - sona
Image Source: affairstoday.co.uk

Klaro ug mubo lang ang State of the Nation Address (SONA) speech ni President Rodrigo Duterte. Kini matud pa kang Presidential Communication Office Assistant Secretary Ramon Cualoping III. Walay mga ‘flowery words’ ug straight to the point ang SONA speech sa Presidente.

Gi-ubanan ni Cualoping sila Communications Secretary Martin Andanar ug ang film director nga si Brillante Mendoza alang sa inspection sa House of Representatives Complex  isip preparasyon sa SONA sa Hulyo 25.

Nasayran nga si Mendoza ang personal choice ni Duterte arun magsilbi isip director sa SONA coverage.

Kahinumduman nga sa inaugural speech sa Presidente , miabot ug kinse (15) minuto ang oath-taking ceremony sa Malakanyang kaniadtong Hunyo 30.

Gipaniguro sa Presidential Communications Office nga musunod sa protocol si Duterte atol sa SONA.

Samtang gilauman nga magtigom ang Task Force SONA, arun hapsayon na ang security measures ug uban pang kinahanglan alang sa okasyon.

Gawas pa niini, una nang gikabutyag ni Andanar nga daghan ug pasabog ang Presidente, subay sa kampanya niini kontra sa iligal nga droga, kung asa aduna kiniy mga pangalan nga ibutyag nga nalambigit sa iligal nga Droga.

Una niini, nangandam na sab ang Armed Forces of the Philippines alang sa seguridad, aduna may bahad o wala. (MN)

Advertisements