crime scene
Image Source: manila.coconuts.co

Miubos ang ihap sa krimen sa Metro Manila . Kini base sa crime trend sa National Capital Region Police Office (NCRPO).

Sumala kang NCRPO Director Police Chief Supt. Oscar Albayalde, miubos ang natala nga kaso sa robbery, theft, carnapping ug physical injury.

Base sa datos sa NCRPO, sa 1st semester sa 2016, gikan sa 77 kaniadtong miaging tuig, karon anaa na lamang ang ihap niini sa 52.

Apan aminado sab ang NCRPO nga sa naasoyng datos, misaka ang mga kaso sa murder ug homicide. Gikumpirma sab ni Albayalde nga bisan paman niini, walay nagpasaka ug formal complaint ilabi na sa mga kapamilya sa mga drug suspek nga napatay.

Samtang, dili sab siya kumbinsido nga nakasulod sa Maynila ang DDS o Davao Death Squad nga maoy gitudlo nga responsible sa serye sa pagpatay sa mga drug suspects, partikular sa Davao.

Sa karon, matud pa, wala pay pruweba nga mga vigilante ang responsable sa mga biktima sa summary execution.

Posible sumala pa nga mga sindikato sa Droga ang nagbuhat sa pagpatay sa mga tulak ug user sa droga. (MN)

 

Advertisements