bato dela rosa
Image Source: cnnphilippines

Gipaniguro ni Philippine National Police Chief Director Ronald Bato dela Rosa nga daghan pang high-value drug suspects ang mamatay sa mga umaabot nga adlaw.

Gisaysay kini ni Dela Rosa human nga mapatay sa raid sa Valenzuela City kagahapong adlawa ang Chinese nga si Mico Tan, nga usa sa mga gidudahang Top Drug Lords sa nasud. Kini isip tubag nasab sa mga kritisismo nga mga small-time pushers lamang ang mapatay sa mga operasyon sa PNP. Matud ni dela Rosa, nakita na karon sa publiko nga usa ka big-time drug Lord ang ilang napatay. Dili lamang daw sila apurahon, tungod siguradong mas daghan pang high-value target ang ilang puntiryahon.

Gikabutyag ni dela Rosa nga walo ka tuig na ang operasyon ni Tan dinhi sa nasud. Nagpatukod sab kini matud pa ug Shabu laboratory sa Metro Manila. Gipa-imbestigahan na karon ang mga aktibidades ni Tan ug kung nganung adunay sinako nga mga iligal nga kemikal sa warehouse niini sa Valenzuela.

Samtang, sa summary report sa Camp Crame, 194 ka drug suspect ang napatay gikan July 1 hangtud 19. (MN)

Advertisements