sona duterte
Image Source: hatawtabloid.com

Kamara, all set na para sa Duterte SONA

All set na ang Kamara sa pinaka-unang State of the Nation Address (SONA) ni President Rodrigo Duterte. Sumala kang House Deputy Secretary General Artemio Adasa, naka lock-out na ang Batasan Complex. Buot pasabot niini, bawal nang makasulod ang walay official business ug pasudlon lamang kung adunay pass o clearance.

Gikumpirma sab ni Adasa nga daghan ang nausab sa pagpangandam nila karon kumapara sa mga milabay nga SONA. Kaniadto, baynte(20) ang ihap sa welcoming committee, karon upat na lamang katao. Wala nay mga mahalon nga flower arrangements.

Alas 4 sa hapon sa adlawng Lunes, July 25 ipahigayon ang SONA ni President Duterte.

“Huwag Kang Papatay” Campaign, ilunsad sa Simbahang Katoliko

Dungan sa SONA ni Pangulong Rodrigo Duterte, ilunsad sa Archdiocese of Manila ang ‘Huwag kang Papatay” campaign. Kini pinaagi sa usa ka misa alang sa kalag sa mga napatay, ilawom sa kampanya kontra sa iligal nga droga sa kasamtangang administrasyon. Dungan sa SONA sa July 25, ipahigayon ang naaosyng misa.

Sumala kang Father Atilano Fajardo, director of public affairs ministry sa Archdiocese of manila, imbitado nga mutambong sa misa ang tanang kapamilya sa mga napatay nga drug suspects sa tibuok nasud. Hangyo sab ni Fajardo sa mga mutambong mga magsuot ug itom o puti nga T-shirt.

Una nang gisaysay ni CBCP President, Lingayen Dagupan Archbishop Socrates Villegas nga bisan paman suportado sa Simbahang Katolika ang operasyon kontra iligal nga droga, dapat nahisubay kini sa balaod. (MN)

Advertisements