sona duterte
Image Source: hatawtabloid.com

Gipirmahan na ni Pangulong Rodrigo Duterte ang Executive Order sa Freedom of Information Bill. Gi-anunsyo kini ni Presidential Communications Office Secretary Martin Andanar sa usa ka press conference sa Davao City, gunit ang pinal nga kopya sa executive order sa FOI. Nasayran nga baynte-singko(25) ka adlaw lamang sukad sa paglingkod ni Duterte isip Presidente, napirmahan na dayon ang FOI.

Sakop sa EO ang tanang departamento ug line agencies nga anaa ilawom sa executive branch. Kahinumduman nga wala kini naaprubahan ilawom sa termino ni kanhing Pangulong Noynoy Aquino.

Gipahinumduman ni Andanar ang mga public officials nga kinahanglang abri sa tanan ang ilang Statement of Assets, Liabilities and Net Worth.

Walay bayaran ang si kinsa man nga mu-request nga maka-access sa mga impormasyon. Ang mga opisyal nga dili maka-comply niini sa ‘15-days deadline’ o sulod sa kinse ka adlaw, posibleng mag-atubang ug kasong administratibo.

Samtang, apil sa exemptions sa EO ang mga impormasyon nga makahatag ug bahad sa national security.

Dugang pa ni Andanar,ang pinaka-importante sa tanan nga dili lamang limitado sa media ang Freedom of Information. Kundi, lakip na ang milyon-milyong Pilipino nga gustong mahibalo sa dagan sa mga transaksyon sa gobyerno. (MN)

Advertisements