foi
Image Source: hubpages.com

Incoming Senate President Koko Pimentel, misaad nga musubay sa Freedom of Information

Suportado ni Incoming Senate President Francis ‘Koko’ Pimentel ang executive order ni President Duterte kalabot sa FOI. Matud kang Pimentel, makatabang ang Executive Order sa FOI sa imahe sa kasamatangang administrasyon kontra sa kurapsyon. Lauman matud pa nga iduso sa senado ang pagpatuman sa Freedom of Information sa tanang branch sa gobyerno.

Gidasig ni Pimentel ang Presidente sa pagpirma niini sa EO. Mag-file sab si Pimentel ug FOI bill sa 17th Congress kung asa sakop  niini ang nagkalain-laing branch sa gobyerno.

Samtang, gi-sugyot ni Senator Ralph Recto nga kinahanglang i-translate ngadto sa lingwaheng Pilipino ang mga public documents arun dali lamang masabtan sa publiko. Dugang pa niini, giduso sab niya nga ibutan online ang public records pinaagi sa Department of Information and Communciations Technology.

Lakip sab sa mga midayig sa pagpirma sa Pangulo sa EO sa FOI sila Senator Bam Aquino ug Senator Grace Poe.

EO ni Duterte sa FOI, welcome sa Media Groups

Welcome sa nagkalain-laing media groups ang gipirmahan nga executive order ni Pangulong Rodrigo Duterte alang sa freedom of information. Nagpaguwa ug nagkadaiyang pamahayag ang National Union of Journalists of the Philippines;  Alternative Media Outfit Network nga AlterMidya;  u gang College Editors Guild of the Philippines kun CEGP.

Nagtuo si NUJP Secretary General Dabet Panelo nga dili lang sab sila ang nalipay sa maong lakang sa administrasyon arun pahugtan ang transparency ug accountability. Sumala kang CEGP National Deputy Secretary Jose Maru Callueng, makatabang kini arun mabantayan ang mga transaksyon sa gobyerno ug ang paggamit sa pondo sa nasud. (MN)

Advertisements