president rodrigo duterte - sona
Image Source: affairstoday.co.uk

Gidasig ni President Rodrigo Duterte ang Moro Islamic Liberation Front (MILF) ug Moro National Liberation Front (MNLF) nga putlon na ang ilang relasyon sa teroristang grupo nga Abu SAyyaf.

Kini, kung gusto matud pa sa MILF ug MNLF nga ipadayon ang hisgutanang pangkalinaw tali kanila ug sa gobyerno.

Sa speech sa Pangulo atubangan sa mga sundalo sa Fort Magsaysay sa Nueva Ecija, gusto niyang madungog mismo sa MILF ug MNLF nga wala na silay koneksyon sa Abu Sayyaf .

Gisaysay sab ni Duterte nga andam ang gobyerno nga muhatag ug safe conduct pass kang MNLF chairman Nur Misuari, lakip na kang CPP-NPA founder Jose Maria Sison.

Una nang mipamahayag nga andam nga makighiuda sa peace talks si MILF chairman Murad Ibrahim.

Samtang, andam hinuon ang gobyerno kung dili magmalampuson ang peace talks. Matud ni Duterte, andam sa administrasyon nga pakusgan ang kapasidad sa Armed Forces of the Philippines ug Philippine National Police. (MN)

Advertisements