ceasefire
Image Source: philnews.ph

Human nagdeklara si Pangulong Rodrigo Duterte ug Unilateral Ceasefire kaniadtong Lunes, gilayong gimando sa New People’s Army sa ilang mga units nga ipatuman ang “active defense mode” sukad kagahapong adlawa, Martes sa hapon.

Sumala kang Jorge ‘Ka Oris’ Madlos, bag-ong tigpamaba sa NPA-National Operational Command, kini ang ilang inisyal nga tubag sa deklarasyon sa Pangulo.

Subay sa direktiba sa CPP, gimanduan sa NPA-NOC ang tanan nilang mga territorial ug unit commands nga magpabilin sa active defense mode, isip pagdawat sa unilateral ceasefire nga gideklara ni Pangulong Duterte.

Matud ni Madlos, magpabilin ang maong mando, samtang naghulat sa Reciprocal Ceasefire Declaration sa National Democratic Front of the Philippies.

Samtang, gisaysay ni Madlos nga  hugot sab nilang bantayan ang lihok sa mga sundalo. (MN)

Advertisements