duterte 2

Wala nay dapat ikabalaka si incoming President-elect Rodrigo Duterte sa iyang suoton sa inagurasyon tungod gi-andam na ang iyang mga barong tagalong nga dili muubos sa usa ka dosena ang ihap.

Sumala sa master cutter nga si Hermenigildo Balagon sa high-end clothes shop sa Davao nga Chardin, wala silay bag-uhon sa disenyo nga naandan na ni Duterte sukad pa kaniadtong 2003.

Sumala pa sa sastre nga si Bobby Castillo, pwede pa silang magbuhat ug duplicate arun adunay mabilin si Duterte sa Malakanyang.

Dili gama sa Piña ang tela nga gigamit sa mga barong tungod allergic ang incoming President niini. Gawas kang Duterte, andam nasab ang mga suoton nila Sebastian, Sara ug Paolo.

Si Baste, magsuot ug barong nga gama sa Mindanao Silk gikan sa Davao Fashion and Design Council. Samtang ang kang Inday Sara – royal blue gown nga gibuhat sa iyang paboritong designer nga si Silverio Anglacer. Samtang si Paolo, magsuot ug barong nga gibuhat sa local designer nga si Erwin Lee Tan.

Advertisements